Campasolo

De seguras que busatroz tenez días d’xos que tos rebellaz de maitins y parixe que soz carrañau con toz y con tot, como si o mundo y chent t’ese feito garra cosa, y ni siquia tenz ganas nian de charrar y no más tos fe goy que d’ir a la vuestra marcha sin que dengún no te diga cosa. A yo m´ha pasau iste cabo i semena.

Campasolo gosaba clamar-me yayo cuan me beyeba dingolo-dango por as carreras y andurriales d’o lugar,chugando y soniando como podeba fer cualdiquier unatro nino d’o mundo, y agún güe de cabo ta cuan mantengo ixe comportamiento, que no se muito bien o porque; y tampoco no se muito bien porque goso escribir-lo aquí, puestar que sian impulusos d‘extrobersión , u puestar que no, que nomás eba d’emplir un forato más plenico i ringleras n’iste puesto web.

De tarda y al tornar chunto a o fayar he de pasar...asinas se despide a tardi y l'agüerro en a Bal de Luesia.

Si i hai bella traza que me fa onra ta resetear o tozuelo ye cazaguer-me con por o mont con bizi rezia, y asinas lo he feito, mirando de pillar un buen alazet físico de cara a o luengo ibierno,anque mirándome lo que ye fendo a chent por istas calendatas se puet plegar a pensar-ne, que boi arretrasau con a paranza, pero cada día conoixco más a o mio cuerpo, y se que iste ye o camin, a bonico y con buen piet.