Canso de mirar-me peren o zielo, i hai días que se dezide salir-ie si u si, y o día San Baler estio uno d'ixos, como bien gosan dezir bels...día i Clasica, pues me femo en as clasicas nino!Ye a primera begada que escribo n'iste blog de raso en aragnés, y ye que güei me rebellau asinas y m'ha petau de fer-lo, sin garra explocazión.
Ayer si, en saliemos plebendo y i tornamos con fagüeño, isto ye Aragón, y ta más complicazión ya a Bal de L'Ebro, ta rematar-la d'amolar. Con as miras mesas en as primaras corridas d'a calendata, me pa que a chent s'apresura firme en pillar buen estau...y ayer os mios compañers d'entreno lo me afirmón y dixón bien clatero si agún i eba garra dandalo que tos bricase por o tozuelo. Y ye que ya lebo bellas añadas n'isto d'a bizi ta parar cuenta que en iste esporte no i hai más truco.Capi, Pelao, Javi, Sergio, Luis et moi ,miramos de fer-lo, y digo miramos, por que i hai qui lo consigue ,pero unatros no tanto, m'estimo; cruze i Tardienta con orache de canes furos, a yo me marcó, 130 km t'a pocha, y como bien goso dezir un personache: 130 que emos feitos, y 130 que no ha feito l'enemigo, 260 t'a pocha.
Con tot y con ixo tos presento o cartel que anunzia o II Trofeo Óscar Llanos, presto por os Bombers Zaragoza, he dezir a la suya fabor que dezaga d'ista corrida i hai prou treballo y agradexer-les que s'alcuerden de unatras categorias, que a la fin son l'alazet d'a nuestra y más que más de l'esbenidero d'o ziclismo n'iste país.
No hay comentarios:
Publicar un comentario